Chì fà / Que faire ? - Corsu Mezu Mezu | Site officiel

Chì fà / Que faire ?


Rimore di legne tronche
È luce rossa di fornu
Di mandili stretti in fronte
Ùn aspittate ritornu
Ogni petra neru fume
Pianu pianu s’hè staccata
Per fà piazza à un altru lume
Nant’à a teghja addisperata.
Eiu chì mi sò scaldatu
Qualchi volta à la so fiara
Mi pare tantu peccatu
Chì a rivecu ancu più chjara.

Chì fà, chì ci si pò fà ?
Chì fà, chì ci si pò fà ?

Ancu e nostre merie antiche
Una à una si ne vanu
Per d’altre case più riche
È di noi assai luntanu.
Ci spicchemu di l’antichi
I cacciemu di paese
Nant’à a grata ùn ci hè più fichi
Si campa à l’usu francese.
Eiu chì mi sò campatu
Cù un pezzu di pane intintu
Mi pare tantu peccatu
Chì mi sentu u core strintu.

Chì fà, chì ci si pò fà ?
Chì fà, chì ci si pò fà ?

Inde tutta la cunfine
Eri suminata à granu
Oghje sò e cardelline
Chì càntanu lu veranu.
À u sole nantu à l’aghja
U tribbiu pare fermatu
È d’ùn esse à meza paglia
Si sente cume spugliatu.
Eiu chì mi sò svegliatu
Stamane cume un acellu,
Sè aghju troppu sunniatu
Perdunerete un zitellu.

Chì fà, chì ci si pò fà ?
Chì fà, chì ci si pò fà ?

Des bruits de bois brisés
Et des lueurs de fours écarlates
Et ces foulards serrés aux fronts
N’attendez pas qu’ils reviennent
Chaque pierre noire de fumée
Tout doucement s’est détachée
Pour faire place à une autre lumière
Sur la pierre plate désespérée
Moi qui me suis réchauffé
Quelques fois à cette flamme
Cela me semble tellement dommage
Que je la revois encore plus claire

Que faire ? Que peut-on y faire ?
Que faire ? Que peut-on y faire ?

Même nos antiques maies
Une à une disparaissent
Pour d’autres maisons plus riches
Et tant éloignées de nous
Nous abandonnons nos aïeux
Nous les chassons des villages
Sur la claie plus une figue
Nos us sont désormais français
Moi qui me suis délecté d’un morceau de pain trempé
Cela me semble tant dommage
Que je me sens le coeur serré

Que faire ? Que peut-on y faire ?
Que faire ? Que peut-on y faire ?

Partout à perte de vue
Tu étais semée de blé
Aujourd’hui, ce sont les chardonnerets
Qui nous chantent le printemps
Au soleil, sur l’aire de battage
La grosse pierre semble immobile
Et de n’être dans la paille
Elle se sent comme dévêtue
Moi qui me suis réveillé
Ce matin comme un oiseau
Si jamais j’ai trop rêvé
Vous pardonnerez un enfant

Que faire ? Que peut-on y faire ?
Que faire ? Que peut-on y faire ?