Da i chjassi di sangue è e strade spaventu
Hè partutu u Lione à salutà u ventu
I so cumpagni fi eri sò trà pientu è rivolta
Si sò chitate e sfi ere, un silenziu s’ascolta
Hè partutu u Lione à salutà u ventu.
Una lacrima hè corsa in l’ochji d’un zitellu
Hè partutu u Lione à salutà u celu
L’anu toltu u fi atu ma hè viva a so voce
U so passu hè stampatu per disertu è per foce
Hè partutu u Lione à salutà u celu.
Di u so rughju arditu ribombenu le fole
Hè partutu u Lione à salutà u sole
Pocu impremu lu vantu di quellu chì fù cecu
Suvitendu u so cantu truveremu lu veru
Hè partutu u Lione à salutà u sole.
Sò orfagne è zergose e muntagne ribelle
Hè partutu u Lione à salutà e stelle
Issu paese hè di fette è u focu ùn si tace
Ùn sò mai e vindette à fà cresce a pace
Hè partutu u Lione à salutà e stelle
S’hè accolta a so ghjente in un silnziu piu
Hè partutu u Lione à truvà lu so diu
Sia bibbia o curanu si sceglie u so distinu
Ùn hè divina a manu à armà l’assassinu
Hè partutu u Lione à truvà lu so diu