Ti vecu la mio bandera
In lu fiore chi si spanna
Ogni stantara à u sole
Ogni chjoccu di campana
Si per me l’altu fanale
A mio strada a mio funtana
O la mio bandera, O la mio bandera
Ti vecu o la mio bandera
In ogni fiume chì corre
In lu s’abbracciu à lu mare
In a ghjanna di l’albore
Si per mè a stella ardente
Guida di u m’esse in bullore
O la mio bandera, O la mio bandera
Ti vecu o la mio bandera
In ogni monte sculpitu
In ogni larice, ogni leccia
In ogni castagnu feritu
Si per mè a scorza ardita
Di l’arburu sempre arrittu
O la mio bandera, O la mio bandera
Ti vecu o la mio bandera
In lu pientu di lu celu
In la manu chì si porghje
In la risa di u zitellu
Si la mi’antica cullana
A mio brama, u mio ghjuvellu
O la mio bandera, O la mio bandera
Ti vecu o la mio bandera
In ogni figliolu natu
In lu volu di l’altagna
In l’agnellucciu à u pratu
Si per mè l’ultimu annellu
U mio granu, lu mio fiatu
O la mio bandera, O la mio bandera
Ti vecu o la mio bandera
In lu vechju campusantu
In u passu di a muvra
In a rima di u mio cantu
Si per mè l’eternu abbracciu
À issa terra ch’eo tengu tantu
O la mio bandera, O la mio bandera…